Túrkııadaǵy jer silkinisinen qansha adam zardap shekkeni belgili boldy

ASTANA. KAZINFORM – RIA Novostı basylymynyń habarlaýynsha, jerasty dúmpýleri Túrkııanyń Marmarıs kýrortynyń mańynda tirkelgen. Oshaǵy 67 shaqyrym tereńdikte ornalasqan. 

Túrkııa Іshki ister mınıstrligi Tótenshe jaǵdaılar agenttigi (AFAD) jer silkinisi kezinde úreılenip qashqan 14 jastaǵy qyzdyń qaza bolǵanyn habarlady.

Tótenshe jaǵdaı saldarynan qıraý tirkelgen joq, biraq zardap shekken adamdar bar.

– 69 azamat bıikten sekirgennen keıin zardap shekken. Qazirgi ýaqytta olardyń 46-sy aýrýhanada jatyr, - dep habarlady Іshki ister mınıstri.

Eske sala keteıik, buǵan deıin Túrkııada 5,8 magnıtýdalyq jer silkinisi bolǵanyn habarlaǵan bolatynbyz. Jer silkinisiniń oshaǵy Egeı teńizinde ornalasqan.