Túrkııadaǵy jekemenshik mektepter sheteldik ataýdan bas tartýǵa mindetteldi
ASTANA. KAZINFORM – Túrkııanyń Ulttyq bilim mınıstrligi jergilikti jekemenshik mektepterden sheteldik ataýdy 2026 jyldyń 1 qazanyna deıin túrikshege aýystyrýdy talap etti, dep habarlaıdy Kazinform agenttiginiń Ankaradaǵy tilshisi.
Lıtsenzııasy bar jekemenshik bilim berý mekemeleri jańartylǵan Jekemenshik bilim berý mekemeleri týraly erejege sáıkes ataýyn ózgertýi kerek.
Jańa ataýlar túrik tilinde naqty maǵynaǵa ıe bolýy jáne ulttyq bilim berý maqsattaryna, sondaı-aq túrik qoǵamynyń moraldyq, mádenı jáne jalpyadamzattyq qundylyqtaryna sáıkes kelýi kerek.
Degenmen bul ereje az ulttarǵa arnalǵan mektepterge, halyqaralyq bilim berý mekemelerine jáne til kýrstaryna qoldanylmaıdy. Olar ózderiniń qoldanystaǵy ataýymen jumys isteı beredi.
Mınıstrlik usynylǵan ataýlardy tekseredi. Bılik bul shara túrik tili men ulttyq mádenıetti qorǵaýǵa, sondaı-aq mádenı jáne tildik assımılıatsııany jáne oqýshylardyń psıhoáleýmettik damýyna teris áser etýdi boldyrmaýǵa baǵyttalǵanyn málimdedi.
Belgilengen merzimge deıin jańa ataý bermeıtin oqý oryndaryna ákimshilik shara qoldanylady.
Sonymen qatar sheteldik sózderdi paıdalanýdy shekteý boıynsha tekserýler dúkenderdiń, meıramhanalardyń jáne basqa da kommertsııalyq nysandardyń mańdaıshalaryna qatysty da júrgiziledi.
Aıta keteıik, Túrkııa alǵashqy ulttyq súńgýir qaıyǵyn jasandy ıntellektpen jabdyqtaıdy.
