Túrkııadaǵy zaýyt jarylysynan 17 adam qaza taýyp, alty kúdikti ustaldy
ASTANA. KAZINFORM — Túrkııanyń Izmır provıntsııasyndaǵy HABAŞ metallýrgııa zaýytynda bolǵan jarylysqa baılanysty alty kúdikti ustaldy. Qaza tapqandar sany 17 adamǵa jetti, dep habarlaıdy Kazinform agenttigi túriktiń EKOTÜRK telearnasyna silteme jasap.
EKOTÜRK málimetinshe, qaıǵyly oqıǵa 9 qarashada Alıaga aýdanyndaǵy zaýytta josparly jóndeý kezinde boldy. Jarylys sońy órtke ulasyp, birneshe jumysshy úıindi astynda qalǵan. Oqıǵa ornyna órt sóndirýshiler, qutqarýshylar men dárigerler jedel jetken.
Alǵashynda úsh adamnyń qaza tapqany habarlanǵan. Alaıda qutqarý barysynda qurbandar sany arta tústi. Keıin Túrkııa Prezıdenti Rejep Taııp Erdoǵan qaza tapqandar sany 16 adamǵa jetkenin málimdedi.
10 qarashaǵa qaraǵan túni Túrkııanyń Densaýlyq saqtaý mınıstri Kemal Memıshoglý aýyr jaralanǵan bir adamnyń aýrýhanada kóz jumǵanyn habarlady. Osylaısha qaza tapqandar sany 17-ge jetti. EKOTÜRK-tiń sońǵy málimetinshe, taǵy 13 adam jaraqat alǵan, olardyń bireýiniń jaǵdaıy aýyr.
Zaýyttaǵy jarylysqa baılanysty alty kúdikti ustaldy. Bul týraly Túrkııanyń Ádilet mınıstri Akyn Gıýrlek habarlady. Buǵan deıin tergeý aıasynda bes kúdiktini ustaý týraly sheshim qabyldanǵan edi.
Tergeýdi Menemen prokýratýrasy júrgizip jatyr. Oqıǵanyń mán-jaıyn anyqtaýǵa tórt prokýror jumyldyryldy. Mamandar apattyń sebebin anyqtap, laýazymdy tulǵalardyń jaýapkershiligin baǵalaý úshin tehnıkalyq saraptama júrgizip jatyr.
Aldyn ala boljam boıynsha, jóndeý kezinde kópirli kran elektr doǵaly peshke qulaǵan. Bul tabıǵı gaz qubyry sııaqty ınjenerlik jelilerdiń zaqymdanýyna, artynsha jarylys pen órtke ákelgen.
Apattyń naqty sebebi ázirge belgisiz. Tergeý organdary oqıǵanyń jaı-japsaryn jáne ónerkásiptik qaýipsizdik talaptarynyń buzylý-buzylmaýyn tekserip jatyr.
Qaıǵyly oqıǵadan keıin zaýytqa Túrkııanyń Energetıka jáne tabıǵı resýrstar mınıstri Alparslan Baıraktar, Eńbek jáne áleýmettik qamsyzdandyrý mınıstri Vedat Yshykhan men Densaýlyq saqtaý mınıstri Kemal Memıshoglý bardy.
Baıraktardyń aıtýynsha, tergeý barysynda zańbuzýshylyqqa jol bergender anyqtalady. Eńbek mınıstri óndiristegi apattyń mán-jaıyn tekserý úshin bas ınspektor taǵaıyndalǵanyn habarlady.
Al Túrkııa Prezıdenti Rejep Taııp Erdoǵan oqıǵaǵa baılanysty sot jáne ákimshilik tergeý júrgizýdi tapsyrdy.
Eske sala keteıik, buǵan deıin Túrkııadaǵy zaýytta bolǵan jarylystan 10 adam qaza tapqany habarlanǵan bolatyn.
