Túrkııadaǵy týrıstik avtobýs apaty: segiz adam qaza tapty
ASTANA.KAZINFORM - Túrkııada qalaaralyq avtobýs apatqa ushyrady, dep habarlaıdy Kazinform agenttiginiń Ankaradaǵy tilshisi.
Túrkııanyń batysyndaǵy Denızlı provıntsııasynda Izmırden Antalııaǵa bara jatqan jolaýshylar avtobýsy tosqaýylǵa soǵylyp, órtenip ketti. Segiz adam qaza taýyp, 33 adam jaraqat aldy.
Túrkııanyń Yeni Shafak gazetiniń habarlaýynsha, apat Saraıkeıdiń Tyrkaz aýdanyndaǵy Denızlı-Aıdyn tas jolynda boldy. Jedel járdem brıgadalary, qutqarýshylar, órt sóndirýshiler jáne polıtsııa oqıǵa ornyna jetti.
Órt sóndirildi, biraq segiz adam qaza tapty. Jaraqat alǵandar aımaqtaǵy aýrýhanalarǵa jetkizildi.
Qaıtys bolǵandardyń arasynda Qyrǵyzstan azamaty da bar.
Sonymen qatar Ankaradaǵy Reseı elshiligi apatta Reseı azamatynyń jaraqat alǵanyn habarlady.
Apattyń mán-jaıy men sebebi tekserilip jatyr.
Buǵan deıin Túrkııada týrıstik avtobýs jol apatyna ushyraǵanyn habarlaǵan edik.
