Túrkııadaǵy sý tasqynyna baılanysty 7 qalanyń turǵyndary evakýatsııalandy
ASTANA. KAZINFORM — Túrkııanyń soltústigindegi Tokat provıntsııasynyń Týrhal aýdanynda 7 aýyl men 15 shaǵynaýdannyń turǵyndary sý tasqyny qaýpine baılanysty evakýatsııalanyp jatyr. Bul týraly Report agenttigi jazdy.
Almýs sý qoımasynyń sý deńgeıi úzdiksiz jaýyn-shashyn saldarynan kóterilgen. Sársenbige qaraı ózen sýy bógetten asýy múmkin dep boljanyp otyr. Sol sebepti, yqtımal apattyń aldyn alý maqsatynda 7 aýyl men 15 shaǵynaýdannyń turǵyndaryn evakýatsııalaý sheshimi qabyldandy.
Aıta keteıik, Túrkııanyń kóp aımaǵynda, ásirese Qarateńiz óńirinde úzdiksiz jaýyn-shashyn túsip, birqatar ǵımarat qırap, zalalyn tıgizdi.
Buǵan deıin Túrkistan oblysynda nóser saldarynan kópirlerdi sý shaıyp, 81 adam evakýatsııalandy.
