Túrkııadaǵy orman órti aýyzdyqtalar emes: bir adamnyń jaǵdaıy aýyr

ASTANA. KAZINFORM — Aýa temperatýrasynyń kóterilýine baılanysty Túrkııanyń birneshe aımaǵyndaǵy orman órti áli de óshirilgen joq. Sońǵy bes kún ishinde el boıynsha 342 orman órti tirkelgen, onyń 6-aýy áli sóndirilmegen, dep jazdy AZƏRTAC.

Túrkııanyń aýyl jáne orman sharýashylyǵy mınıstri Ibragım ıÝmakly osy máselege baılanysty málimdeme jasady.

Mınıstrdiń aıtýynsha, eldiń ártúrli aımaqtarynda tutanǵan órtpen kúresý úshin áýeden de, jerden de sóndirý jumystary júrgizilip jatyr. Qazirgi ýaqytta órt Manısa, Izmır jáne Hataı aımaqtarynda áli de aýyzdyqtalmaı otyr. 

ıÝmakly atap ótkendeı, Izmırdegi Seferıhısar jáne Menderes aýdandaryndaǵy jaǵdaı keshegimen salystyrǵanda birshama jaqsarǵan. Izmır men Manısada tún ishinde júrgizilgen qarqyndy sharalardyń nátıjesinde órttiń saldary azaıtylǵan. Al Hataıdyń Antakıa aýdanynda qatty jel órtti sóndirýge kedergi keltirip jatyr. Adana qalasynda jaǵdaı baqylaýǵa alynǵan.

Sondaı-aq, Túrkııanyń densaýlyq saqtaý mınıstri Kemal Memıshoǵlý málimdegendeı, eldiń ártúrli óńirlerindegi orman órtterinen zardap shekken 46 azamat aýrýhanalarda em qabyldap jatyr, olardyń biriniń jaǵdaıy aýyr.

Eske sala keteıik, buǵan deıin Túrik prokýratýrasy 7 provıntsııada (Aydın, Muğla, İzmir jáne t.b.) órtterdi zertteý qorytyndysyna saı 22 kúdiktige qatysty tergeý júrgizip jatqanyn jazǵan edik. Olardyń 9-y qamaýǵa alynyp, 5 adam sot aldynda baqylaýda, 7 adam ýaqytsha qamaqta otyr, taǵy bir tulǵa jaýap alynyp bosatylǵan.