Túrkııadaǵy narazylyqtyń saıabyrsıtyn túri joq

ASTANA. QazAqparat – Ystanbul meri Ekrem Imamogýl ózine taǵylǵan jemqorlyq jáne lańkestermen baılanys aıyptaryn túbegeıli teristep otyr, dep habarlaıdy Euronews.

Протесты в Турции не стихают
Фото: AA Photo

19 naýryz kúni oppozıtsııalyq merdiń tutqynǵa alynýy narazylyq otynyń tutanyp, lıra qunynyń quldyraýyna alyp keldi. Bılik tarapynan qolǵa alynǵan tyıym sharalaryna qaramastan juma kúni keshkisin eldiń iri qaralarynda sherý ótti. Ystanbulda 300 myńǵa jýyq adam qala ákimshiligi ǵımaratynyń aldyna jınaldy. Respýblıkalyq halyq partııasynyń kóshbasshysy Ozgıýr Ozel jınalǵan halyq aldynda sóz sóıledi. Alaıda, polıtsııa jınalǵandarǵa qarsy sý jáne gaz shashatyn qurylǵylardy qoldandy.

Oppozıtsııa Imamogýldyń tutqyndalýynda saıası astar bar dep sanaıdy. Óıtkeni, ol 2028 jyly Túrkııada ótetin prezıdenttik saılaýda Erdoǵannyń basty qarsylasy bolyp otyr.

Imamoglýmen birge 100-ge jýyq adam tutqynǵa alyndy. Bılik eldiń birqatar qalasynda sherýge shyǵýǵa tyıym saldy. Alaıda, osyǵan qaramastan Ozgıýr Ozel adamdardy kóshege shyǵýǵa shaqyrýda.

Sarapshylar Imamoglýǵa Túrkııada, EO men onyń batystyq odaqtastarynda lańkestik uıymdar tizimine engizilgen Kúrdistan jumysshylar partııasymen baılanysy týraly resmı aıyp taǵylǵan jaǵdaıda qyzmetinen alynady dep sanaıdy. Al onyń laýzymyn «qamqorshylyq mer» basýy múmkin.

Buǵan deıin Túrkııa prezıdenti Rejep Taıyp Erdoǵannyń basty saıası qarsylasy Ystanbul qalasynyń meri Ekrem Imamoglý men onyń baspasóz keńesshisi Murat Ongýn arnaıy operatsııa kezinde tutqyndalyp, sotqa berilgenin jazǵan edik.

Munan bólek, eldegi ishki saıasatta ne bolyp jatqanyna qatysty materıal usynǵan bolatynbyz. 

Túrkııanyń ishki saıasatyndaǵy turaqsyzdyq Ortalyq bankke qosymsha qıyndyqtar týdyryp, el ekonomıkasyna aıtarlyqtaı keri áserin tıgizip jatqany týraly da jazdyq.

 

Сейчас читают