Túrkııadaǵy narazylyqtar: «Bolashaq» stıpendıattaryna qaýip joq

ASTANA. KAZINFORM – Halyqaralyq baǵdarlamalar ortalyǵy Túrkııadaǵy jaǵdaıdy baqylaýdy jalǵastyryp, stıpendıattarmen baılanysta ekenin málimdedi, dep habarlaıdy Kazinform agenttigi.

— Túrkııadaǵy ahýalǵa baılanysty «Halyqaralyq baǵdarlamalar ortalyǵy» AQ eldegi 25 stıpendıattyń taǵylymdama baǵdarlamalary boıynsha bilim alyp jatqanyn habarlaıdy. Barlyq stıpendıattar qaýipsiz jerde. Olar ortalyqtyń kýratorlarymen jáne Qazaqstan Respýblıkasynyń dıplomatııalyq ókildikterimen turaqty baılanysta. Qajet bolǵan jaǵdaıda kómekke júgine alady, — dep jazylǵan habarlamada.

Buǵan deıin Qazaqstannyń Túrkııadaǵy elshiligi narazylyqqa baılanysty qazaqstandyqtarǵa úndeý jasaǵan bolatyn.

— Eń bastysy — zardap shekkender joq. Bul Syrtqy ister mınıstrliginiń, bas konsýldyqtyń jáne Ankaradaǵy elshiligimizdiń belsendi jumysynyń nátıjesi. Bizdiń Ystanbul, Izmır jáne Antalııa qalalarynda bas konsýldyqtar bar. Narazylyq bastalǵan sátten proaktıvti jumys júrgizdik. Biz azamattarymyzdy, ásirese stýdentter men týrısterdi birden eskertip, jappaı jınalatyn jáne narazylyq ótetin oryndarda bolmaýǵa shaqyrdyq, — dedi Syrtqy ister mınıstriniń birinshi orynbasary Aqan Rahmetýllın.

Sońǵy derek boıynsha, Túrkııada Ystanbul meriniń ustalýyna qarsy narazylyq kezinde 1400-den astam adam tutqyndaldy.