Túrkııadaǵy narazylyq: Qazaqstannyń Túrkııadaǵy elshiligi málimdeme jasady
Qazaqstannyń Túrkııadaǵy elshiligi qazaqstandyqtarǵa demonstratsııalar men mıtıngilerge jeke qatysýdan aýlaq bolýdy surady.
— Qalyptasqan jaǵdaıǵa baılanysty halyq kóp jınalatyn oryndarǵa barmaýǵa, sherýler men mıtıngilerge qatysýdan bas tartýǵa, kúsheıtilgen qaýipsizdik sharalaryn saqtaýǵa, qyraǵylyq pen saqtyqqa, jańalyqtardy qadaǵalap, bıliktiń nusqaýlyqtaryn oryndaýǵa jáne Qazaqstan Respýblıkasynyń Túrkııadaǵy dıplomatııalyq ókildikterimen baılanysta bolýǵa shaqyramyz, — delingen elshilik habarlamasynda.
Elshilik áleýmettik jelilerde demonstratsııalar (mıtıngter) týraly aqparatty jáne aǵymdaǵy oqıǵalarǵa qatysty jeke baǵalar men pikirlerdi taratýdan bas tartýǵa shaqyrdy.
— Sonymen qatar áleýmettik jelilerde demonstratsııalar (mıtıngter) týraly aqparatty jáne aǵymdaǵy oqıǵalarǵa qatysty jeke baǵalar men pikirlerdi taratýdan bas tartýǵa asa nazar aýdaramyz, — delingen habarlamada.
Qazaqstannyń Túrkııadaǵy sheteldik ókildikteriniń jedel jeli telefondary:
1. Qazaqstan Respýblıkasynyń Ankaradaǵy Elshiligi: +905352734496
2. Qazaqstan Respýblıkasynyń Ystanbuldaǵy Bas konsýldyǵy: +905012621465
3. Qazaqstan Respýblıkasynyń Antalııadaǵy Bas konsýldyǵy: +905394400522
4. Qazaqstan Respýblıkasynyń Izmırdegi Bas konsýldyǵy: +905530998789
Aıta ketelik Túrkııadaǵy narazylyqtyń saıabyrsıtyn túri joq.
Buǵan deıin Túrkııa prezıdenti Rejep Taıyp Erdoǵannyń basty saıası qarsylasy Ystanbul qalasynyń meri Ekrem Imamoglý men onyń baspasóz keńesshisi Murat Ongýn arnaıy operatsııa kezinde tutqyndalyp, sotqa berilgenin jazǵan edik.
Munan bólek, eldegi ishki saıasatta ne bolyp jatqanyna qatysty materıal usynǵan bolatynbyz.
Túrkııanyń ishki saıasatyndaǵy turaqsyzdyq Ortalyq bankke qosymsha qıyndyqtar týdyryp, el ekonomıkasyna aıtarlyqtaı keri áserin tıgizip jatqany týraly da jazdyq.