Túrkııadaǵy narazylyq: 1900-ge jýyq adam ustaldy

ASTANA. KAZINFORM — Túrkııada 19-25 naýryz aralyǵynda jappaı narazylyqtar kezinde 1879 adam ustaldy. Bul týraly 27 naýryz, beısenbi kúni eldiń ishki ister mınıstri Alı Erlıkaıa málimdedi, dep habarlaıdy DW.

Протесты в Турции не стихают
Фото: AA Photo

Mınıstrdiń aıtýynsha, ustalǵandardyń 260-y sot protsesin kútip qamaýda otyr, 662 adamnyń isteri sot qaraýynda, al 489 adam bosatylǵan.

Túrkııanyń Іshki ister mınıstrligi dpa agenttigine habarlaǵandaı, barlyq narazylyq bildirýshiler quqyq qorǵaý organdaryna qarsylyq kórsetkeni úshin ustalǵan.

Erlıkaıanyń sózinshe, jappaı narazylyqtar barysynda 150 polıtsııa qyzmetkeri jaraqat alǵan. Elde kópshilik jınalystar ótkizýge salynǵan tyıym 1 sáýirge deıin uzartyldy.

Buǵan deıin 1100-den astam adamnyń ustalǵany týraly habarlanǵan edi.

Aıta keteıik, Túrkııada Stambýl meri jáne oppozıtsııa jetekshileriniń biri Ekrem Imamoglý ustalyp, keıin qamaýǵa alynǵan soń jappaı narazylyqtar bastaldy.

Stambýlda jınalystar men mıtıngilerge tyıym salynǵanyna qaramastan, eldiń birneshe provıntsııasynda narazylyqtar ótti.

23 naýryzda Ekrem Imamoglý Túrkııa prezıdenttigine kandıdat retinde usynyldy.

Сейчас читают