Túrkııadaǵy Qazaqstannyń dıplomatııalyq ókildikterinde saılaý ýchaskeleri quryldy
ASTANA. KAZINFORM – Quryltaı saılaýy qarsańynda Qazaqstannyń Ankaradaǵy elshiliginde jáne Ystanbul, Antalıa jáne Izmır qalalaryndaǵy Bas konsýldyqtarda saılaý ýchaskeleri quryldy, dep habarlaıdy Kazinform agenttiginiń Ankaradaǵy menshikti tilshisi.
Túrkııadaǵy Qazaqstan azamattary saılaý kúni daýys berý quqyǵyn paıdalanyp, Qazaqstan Respýblıkasynyń Ankaradaǵy elshiligi janyndaǵy №450 saılaý ýchaskesinde, Bas konsýldyqtarda – Ystanbul qalasyndaǵy №419 saılaý ýchaskesinde, Antalıada №460 saılaý ýchaskesinde jáne Izmırde №512 saılaý ýchaskesinde jergilikti ýaqyt boıynsha tańǵy saǵat 7:00-den keshki saǵat 20:00-ge deıin daýys bere alady.
Dıplomatııalyq ókildikte atap ótilgendeı, qazirgi ýaqytta Ankara, Ystanbul, Antalıa jáne Izmır konsýldyq okrýgterindegi tórt saılaý ýchaskesiniń barlyǵynda Túrkııa aýmaǵynda turaqty nemese ýaqytsha turatyn shamamen 1900 qazaqstandyq saılaýshylar tizimine engizilgen.
Saılaý kúni daýys berý úshin azamattardyń Qazaqstan Respýblıkasy azamatynyń jaramdy tólqujaty nemese jeke kýáligi bolýy kerek.
Túrkııadaǵy saılaý ýchaskeleriniń mekenjaılary: № 450 — Ankara qalasy, Kylych Álı kóshesi, 6; № 419 — Ystanbul qalasy, Ieshılıýrt dańǵyly, 7/9; № 460 — Antalıa qalasy, 2074 kóshe, № 16; jáne № 512 — Izmır qalasy, Manas býlvary, 47.
Suraqtar týyndaǵan jaǵdaıda Qazaqstan Respýblıkasynyń Túrkııa Respýblıkasyndaǵy Elshiligine +90 312 491 91 00 telefony arqyly habarlasýǵa bolady.
Qosymsha aqparatty Qazaqstan Respýblıkasy Ortalyq saılaý komıssııasynyń www.election.gov.kz saıtynan tabýǵa bolady.
Osyǵan deıin «Quryltaı LIVE» platformasy iske qosylǵanyn habarladyq.
Quryltaı saılaýyn 777 halyqaralyq baıqaýshy baqylaıdy.
Aıta keteıik, 23 tamyzda saılaý ýchaskelerinde onlaın tirkeý servısteri iske qosylady.
