Túrkııadaǵy qarttar sany 96 eldiń halqynan kóp

ASTANA. KAZINFORM - Túrkııa statıstıkalyq ınstıtýtynyń (TÜİK) málimdeýinshe, eldegi qarttardyń (65 jas jáne odan joǵary) sany kóptegen eldiń halqynan asyp túsedi, dep habarlaıdy Kazinform agenttigi Anadolu-ǵa silteme silteme jasap. 

Jer halqynyń sany 2024 jyly 8 mıllıard 161 mıllıon 973 myń adamdy qurady. Bul rette egde jastaǵylar — 10,2 paıyz.

Qarastyrylyp otyrǵan kezeńde Túrkııa halqynyń sany 85 mıllıon 664 myń 944 adamǵa jetti. Qarttar el halqynyń 10,6 paıyzyn nemese 9 mıllıon 112 myń 298 adamdy quraıdy.

Túrkııadaǵy qarttardyń sany Shveıtsarııa, Serbııa, Irlandııa, Jańa Zelandııa, Armenııa jáne Islandııa sııaqty 96 eldiń halqynan asyp túsedi.

Al, Qytaı 2024 jyly 208 mıllıon 147 myń 281 adamdyq kórsetkishpen qarttar sany boıynsha birinshi orynda tur. Odan keıingi orynda Úndistan — 103 mıllıon 691 myń 375 jáne AQSh — 61 mıllıon 930 myń 598.

Halyqtyń jalpy sanynda egde jastaǵy adamdardyń úlesi eń joǵary el Monako boldy — 36,2%. Monako halqynyń jalpy sany 38 631 adam, onyń 13 972-si qart adamdar. Monakodan keıin Japonııa — 29,8%, Italııa — 24,6%, Portýgalııa — 24,5% jáne Grekııa — 23,9%.

Halyqtyń jalpy sanyndaǵy egde jastaǵy adamdardyń úlesi eń tómen elder qataryna Katar (1,7%), Birikken Arab Ámirlikteri (1,8%), Zambııa (1,9%), Chad pen Sýdan (2,1%) jáne Ortalyq Afrıka Respýblıkasy (2,2%) kirdi.

Eske sala keteıik, japonııalyq áıel álemdegi eń qart adam atandy.