Túrkııadaǵy dástúrli týrnırde palýandarymyz grek-rım kúresinen 2 altyn aldy
ASTANA. KAZINFORM — Túrkııanyń Antalıa qalasynda kúres túrlerinen Olımpıada chempıondary ıAshar Dogý, Vehbı Emre men Hamıt Kaplandy eske alýǵa arnalǵan dástúrli jarysta jerlesimiz Baǵdat Sabaz (-67 kg) grek-rım kúresinen altyn medal jeńip aldy, dep habarlaıdy Mádenıet jáne aqparat mınıstrliginiń Sport jáne dene shynyqtyrý isteri komıteti.
Jarysty bastaǵan grek-rım kúresinen Ulttyq qurama sportshylary osylaısha 4 medal oljalady.
Atap aıtqanda, ıÝsýf Ashrapov (-72 kg) pen Baǵdat Sabaz (-67 kg) fınalda jarys qojaıynyn aıqyn basymdyqpen jeńip, altynnan alqa taqty.
Al Erkebulan Ardaqov (-63 kg) jáne Rahat Berjanov (-97 kg) óz salmaǵynda úshinshi satyǵa turaqtady.
Nátıjesinde Qonysbek Tókenov baptaıtyn Qazaqstan quramasy jalpykomandalyq esepte 104 upaımen 3-orynǵa turaqtady.
Bıyl týrnırge áıelder kúresinen otandastarymyz barmady. Aldaǵy kúnderi bozkilemge erkin kúres sheberleri shyǵady.
Eske sala ketsek, osy halyqaralyq týrnırde ıÝsýf Ashrapovtyń grek-rım kúresinen top jaryp, qorjynymyzǵa altyn medal salǵanyn súınshilegenbiz.