Túrkııadaǵy birneshe aýyl alty aıǵa karantınge jabyldy
ASTANA.KAZINFORM — Túrkııanyń ońtústik-shyǵysyndaǵy Adyıaman provıntsııasynda ornalasqan birneshe aýyl alty aıǵa karantınge jabyldy. Bul sheshim ıtterden qutyrý ınfektsııasy anyqtalǵannan keıin qabyldandy, dep habarlaıdy Kazinform agenttiginiń menshikti tilshisi.
Jergilikti bılik qaýipti aýrýdyń janýarlar men adamdarǵa taralýyn boldyrmas úshin eldi mekenderdi oqshaýlaý týraly sheshim qabyldady.
Aqpan aıynyń sońynda Kósekeli aımaǵynda qutyrýǵa shaldyqqan ıt tirkeldi. Osydan keıin jergilikti sanıtarlyq qyzmetter qajetti zertteýler men zerthanalyq synaqtar júrgizip, qutyrý vırýsynyń bar ekenin rastady. It dereý oqshaýlanyp, bılik qosymsha epıdemıologııalyq qaýipsizdik sharalaryn qabyldaı bastady.
Karantın aıasynda aýyldarda barlyq úı janýarlaryna qatań tekserý júrgizilip, azamattarǵa, ásirese úı janýarlarynyń ıelerine qutyrýǵa qarsy vaktsınatsııa jasalady. Aýrýdyń odan ári taralýyn boldyrmaý úshin eldi mekenderde sanıtarlyq sharalar kúsheıtiledi.
Turǵyndardyń qozǵalysy men kólik qozǵalysyna ýaqytsha shekteýler alty aıǵa sozylady. Bılik karantın rejımi ınfektsııa juqtyrý qaýpin barynsha azaıtyp, aýrýdyń taralýyna jol bermeıdi dep sendirýde.
Mundaı jaǵdaılar Túrkııanyń ońtústik-shyǵys bóliginde jıi kezdesedi. Buǵan deıin Shanlyýrfa provıntsııasynyń Sıverek aýdany qańǵybas ıtterden qutyrý anyqtalýyna baılanysty karantınge jabylǵany habarlanǵan bolatyn.
Aıta ketelik Túrkııa halqynyń 30%-dan astamy eski úılerde turatyny týraly jazǵan edik.