Túrkııadaǵy Aqkýıý atom elektr stantsııasynyń birinshi reaktory 2026 jyly iske qosylady
– Aqqýıý AES-iniń birinshi reaktoryn 2026 jyly iske qosý úshin belsendi jumys isteýdemiz, - dedi mınıstr agenttik redaktorlarymen kezdesýinde.
Atom elektr stantsııasyn «Rosatom» kompanııasy salyp jatyr. Mınıstrdiń aıtýynsha, qarjylandyrý men sanktsııa máselesine baılanysty stansanyń qurylysy 1,5 jylǵa keshiktirilip otyr.
Baıraktar sonymen birge menshik ıesiniń ózgerýi múmkin degen boljamdardy joqqa shyǵaryp, bastapqy kelisimge sáıkes jobanyń 49%-ǵa deıin Túrkııanyń kelisimimen ınvestorlarǵa satylýy múmkin ekenin túsindirdi.
Buǵan deıin Túrkııadaǵy AES qurylysshylary jalaqynyń tólenbeýine baılanysty ereýilge shyqqanyn jazǵan edik.
Akkýıý – Túrkııanyń Jerorta teńizi jaǵalaýynda reseılik «Rosatom» korporatsııasy salý-paıdalaný úlgisimen salǵan alǵashqy atom elektr stantsııasy. Tórt reaktordan turatyn atom elektr stantsııasy Túrkııanyń energııa qajettiliginiń 10 paıyzyn óteıdi dep kútilip otyr.
Arnaıy Kazinform agenttigine seriktes Anadolu agenttigi usynǵan.