Túrkııada zilzaladan kóz jumǵandar sany 16 myńnan asty

ASTANA. QazAqparat – Túrkııada joıqyn zilzaladan qaza bolǵandar sany 16546-ǵa jetti, taǵy 66 132 adam jaralanǵan, dep habarlaıdy QazAqparat Túrkııanyń Anadoly agenttigine silteme jasap.

Bul týraly Túrkııa prezıdenti Rejep Taıyp Erdoǵan Osmanıe qalasyna barǵan saparynda aıtty.

Tikeleı Osmanıe provıntsııasynda zilzaladan 326 ǵımarat qıraǵan, 877 azamat qaza taýyp, 2 220 adam jaraqat alǵan.

Prezıdent Erdoǵan memleket apat aımaǵynyń turǵyndaryn qoldaý, zilzala saldaryn joıý úshin qoldan kelgenniń bárin jasap jatqanyn aıtty.

«Júzdegen myń azamat kómek jınaý jáne apat saldaryn joıý protsesine qatysyp jatyr. Túrkııanyń barlyq aımaqtarynan 10 provıntsııaǵa komandalar men tehnıka jiberildi», - dedi el prezıdenti.

Sonymen birge, Túrkııanyń 10 provıntsııasynda 90 kún merzimge tótenshe jaǵdaı rejımi engizildi. Rejep Taıyp Erdoǵan Túrkııada apat qurbandary úshin jeti kúndik Jalpyulttyq aza tutý týraly jarııalady.

Túrkııanyń barlyq mektebinde 20 aqpanǵa deıin oqý toqtatyldy

Foto: www.aa.com.tr