Túrkııada zilzaladan qıraǵan ǵımarattar isi boıynsha 247 adam qamaýǵa alyndy
«Apat aımaǵynda ornalasqan provıntsııalar prokýratýralarynyń sheshimimen 6 aqpandaǵy oqıǵadan keıin qıraǵan ǵımarattardyń qurylysyna qatysy bar 997 kúdikti ustaldy. Nátıjesinde ustalǵandardyń 247-si qamaýǵa alyndy, 322 kúdiktige qatysty sot baqylaýy taǵaıyndaldy», - dep jazylǵan aqparatta.
Sonymen qatar 198 kúdiktini tutqyndaýǵa jáne 102 adamdy ustaýǵa sanktsııa berilgen.
Eske sala ketsek, 6 aqpanda Túrkııada 7,7 magnıtýdasymen joıqyn jer silkinisi boldy. Zilzala oshaǵy Kahramanmarash provıntsııasyndaǵy Pazardjık aýdanynda ornalasty, tereńdigi - 7 shaqyrym. Saldarynan Hataı, Gazıantep, Kılıs, Osmanıe, Malatıa, Adyıaman, Shanlyýrfa, Dııarbekır, Adana jáne Kahramanmarash provıntsııalarynda kóptegen ǵımarat qırady.
Qazirgi ýaqytta zilzaladan 45 968 adam qaza tapqany belgili boldy, olardyń 4 267-i Sırııa azamaty.
