Túrkııada zilzaladan qaza tapqandar sany 48 myńǵa jýyqtady, onyń 6 myńnan astamy – sheteldik

ANKARA. ANADOLÝ-QazAqparat – Kahramanmarashta bastalǵan joıqyn jer silkinisinen 47 975 adam qaza tapty. Bul týraly Túrkııanyń Tótenshe jaǵdaılar basqarmasynyń (AFAD) basshysy ıÝnýs Sezer málimdedi, dep habarlaıdy QazAqparat Anadolý agenttigine silteme jasap.

ıÝ. Sezerdiń aıtýynsha, qazirgi ýaqytta Túrkııa azamattary, sondaı-aq kórshiles elderdiń, ásirese Sırııada jer silkinisi qurbandarynyń jalpy sany 47 975 adam boldy. Onyń 6 278-i – sheteldik, negizinen Sırııa azamattary.

AFAD basshysy apat aımaqtarynda 3 myńnan astam qutqarýshy qalyp, jumysty jalǵastyryp jatqanyn aıtty.

«Aımaqta jer asty dúmpýleri áli de jalǵasyp jatyr. Sondyqtan, biz qutqarýshylar jasaqtaryn daıyn ustaımyz. Basqa elderden taǵy 300-ge jýyq qutqarýshy da sol jerde qalady», - dedi ıÝ. Sezer.

6 aqpanda Túrkııada epıtsentri Kahramanmarashta bolǵan, magnıtýdasy 7 baldan asatyn eki zilzala tirkeldi. Júzdegen aftershokqa ulasqan jerasty dúmpýi eldiń 10 provıntsııasy men kórshiles elderde, onyń ishinde Sırııada sezilgen.

Úıindilerdiń astynan izdeý jumystaryna 88 eldiń 11 myń qutqarýshysy qatysty, olardyń qatarynda qazaqstandyqtar da boldy.

Túrkııaǵa zilzaladan kelgen shyǵyn $100 mlrd asýy múmkin. Bul týraly Túrkııadaǵy BUU Damý baǵdarlamalarynyń ókili Lýıza Vınton habarlady.

Mamandardyń aıtýynsha, óńirde áli jarty jyl boıy aftershoktar qaıtalanady. Túrkııadaǵy joıqyn zilzalany boljaǵan nıderlandylyq zertteýshi Frank Hýgerbıts naýryzdyń basynda jańa apattardyń bolýy múmkin ekenin eskertti.

7 naýryzda Hataı, Kahramanmarash jáne Kaıserı provıntsııalarynda úsh jer silkinisi tirkeldi.