Túrkııada jyl basynan beri 800 adam musylmandyqty qabyldaǵan
ASTANA. QazAqparat - Baspasóz quraldarynyń habarlaýynsha, jyl basynan beri Túrkııada 779 jan Islam dinin qabyldap, musylman atanǵan. Buryn ustanǵan dinı ustanymdarynan bas tartyp, aqıqat jolǵa túskenderdiń kópshiligi hrıstıan dinindegiler kórinedi. Bul jaıynda Túrkııa din isteri cekretarıatyna silteme jasaı otyryp, FIDES aqparat agenttigi habar taratty, dep habarlady www.muslim.kz.
779 jannyń 616-sy buryn hrıstıan dininde bolǵan kórinedi. Al, eń tómengi kórsetkish ındýstarǵa tıesili bolǵan. Jyl basynan beri tek úsh-aq adam ındýızmnen bas tartyp, musylmandyqty qabyldaǵan eken.
132 jan Islam jáne basqa dinderdi qolaıly kórip, aqıqat joldy anyqtaý ústinde bolǵan kórinedi. Al, jıyrma biri buǵan deıin Qudaı joq degen soqyr senimde bolǵan.
