Túrkııada jumyssyzdyq deńgeıi rekordtyq 7,6%-ǵa deıin tómendedi
ASTANA. KAZINFORM – Túrkııada maýsym aıynda jumyssyzdyq deńgeıi aldyńǵy aımen salystyrǵanda 0,5 paıyzdyq tarmaqqa tómendep, 7,6% boldy, dep habarlaıdy Anadoly.
Túrkııanyń Statıstıka ınstıtýty (TÜİK) maýsym aıyna arnalǵan eńbek naryǵynyń kórsetkishterin jarııalady.
Resmı derekterge sáıkes, el boıynsha 15 jastan asqan jumyssyzdar sany bir aı ishinde 168 myń adamǵa azaıyp, 2 mln 688 myń adam boldy.
Nátıjesinde jumyssyzdyq deńgeıi 0,5 paıyzdyq tarmaqqa tómendep, 7,6%-ǵa jetti. Bul – Túrkııada jumyssyzdyq kórsetkishi aı saıyn eseptele bastaǵan 2005 jylǵy qańtardan bergi eń tómengi deńgeı.
Ótken jyldyń sáıkes kezeńimen salystyrǵanda jumyssyzdyq deńgeıi 1 paıyzdyq tarmaqqa azaıdy.
Erler arasyndaǵy jumyssyzdyq deńgeıi 6,5%, áıelder arasynda 9,8% boldy.
Maýsym aıynda 15–24 jas aralyǵyndaǵy jastardyń jumyssyzdyq deńgeıi de tómendep, aldyńǵy aımen salystyrǵanda 1,8 paıyzdyq tarmaqqa azaıyp, 12,8% boldy. Bul kórsetkish erler arasynda 10,4%, áıelder arasynda 17,3% boldy.
Aıta ketelik Túrkııada zańsyz kóshi-qonǵa qarsy kúres kúsheıgen edi.
