Túrkııada jumyssyzdyq 8,3 paıyzǵa deıin tómendedi

ASTANA. KAZINFORM — Túrkııada 2025 jyly jumyssyzdyq deńgeıi 21 jyldaǵy eń tómen kórsetkishke deıin tómendedi, dep habarlaıdy Anadoly.

Túrkııada 2025 jyly jumyssyzdyq deńgeıi ótken jylmen salystyrǵanda 0,4 paıyzdyq tarmaqqa azaıyp, 8,3%-ǵa deıin tómendedi. Bul týraly Túrkııa statıstıka ınstıtýty (TÜİK) eńbek naryǵyna qatysty 2025 jylǵy derekterinde habarlady.

TÜİK derekterine sáıkes, 2025 jyly el boıynsha jumyssyzdar sany 2024 jylmen salystyrǵanda 147 myń adamǵa azaıyp, 2 mıllıon 966 myń adam boldy.

2025 jyly jumyssyzdyq deńgeıi ótken jylmen salystyrǵanda 0,4 paıyzdyq tarmaqqa tómendep, 8,3%-ǵa jetti. Bul kórsetkish 2005 jyldan beri júrgizilip kele jatqan statıstıkalyq baqylaýlar aıasynda eń tómengi deńgeı bolyp tirkeldi.

Osylaısha, sońǵy 21 jyl ishindegi eń tómen jumyssyzdyq deńgeıi tirkeldi.

Túrkııa statıstıka ınstıtýty (TÜİK) jarııalaǵan 2005–2025 jyldar aralyǵyndaǵy jyldyq jumyssyzdyq kórsetkishteri tómendegideı:

Jyl — Jumyssyzdyq deńgeıi (%) 2005 — 9,2
2006 — 8,7
2007 — 8,9
2008 — 9,8
2009 — 12,9
2010 — 11
2011 — 9
2012 — 8,3
2013 — 8,9
2014 — 9,9
2015 — 10,3
2016 — 10,9
2017 — 10,9
2018 — 10,9
2019 — 13,7
2020 — 13,1
2021 — 12
2022 — 10,4
2023 — 9,4
2024 — 8,7
2025 — 8,3

Aıta ketelik Túrkııada elektromobıl sany 400 myńǵa jýyqtady.