Túrkııada júk kóligi men shaǵyn avtobýs soqtyǵysyp, 9 adam kóz jumdy
ASTANA. KAZINFORM — Túrkııanyń Van provıntsııasynda júk kóligi men jolaýshylar mingen shaǵyn avtobýs soqtyǵysyp, 9 adam qaza tapty. Taǵy bes adam jaraqat aldy, dep habarlaıdy Anadolu.
Jol apaty Ózalp jáne Saraı aýdandary arasyndaǵy tasjolda bolǵan. Aldyn ala málimet boıynsha jańbyrdan keıin joldyń taıǵaq bolýy apatqa sebep bolýy múmkin.
Van provıntsııasynyń gýbernatory Ozan Baldjynyń málimetinshe, qaza tapqandardyń beseýi — áıel, tórteýi — er adam. Jaraqat alǵandardyń úsheýi — áıel, ekeýi — er adam.
Oqıǵa ornyna polıtsııa, jandarmerııa, qutqarýshylar men medıtsına qyzmetkerleri jetken. Zardap shekkender aýrýhanaǵa jetkizilip, qajetti medıtsınalyq kómek kórsetilip jatyr.
Apattan keıin tasjoldyń osy bóligi ýaqytsha jabyldy. Mamandar zaqymdanǵan kólikterdi alyp, joldy tazartqan soń kólik qozǵalysy qaıta jandandy.
Qaza tapqandardyń jeke basy anyqtalyp, oqıǵanyń mán-jaıy tekserilip jatyr.
Aıta keteıik, Aqmola oblysynyń tas jolynda bolǵan jol apatynan úsh adam qaza tapty.
