Túrkııada joıqyn jer silkinisinen bir adam qaza tapty

ASTANA. KAZINFORM — Túrkııanyń batysyndaǵy Balykesır provıntsııasynda bolǵan 6,1 magnıtýdaly jer silkinisi saldarynan bir adam qaza tapty, dep habarlaıdy Hürriyet.

Túrkııanyń ishki ister mınıstri Alı Erlıkaıa 81 jastaǵy turǵynnyń qazasyn rastady. Ol qıraǵan ǵımarattyń astynan qutqarýshylar alyp shyqqannan keıin kóz jumǵan.

Qazir izdestirý-qutqarý jumystary jalǵasyp jatyr. Oǵan 300-den astam maman men 79 tehnıka jumyldyrylǵan.

Eske salaıyq, 10 tamyz kúni jergilikti ýaqytpen 19:53-te Túrkııanyń batysynda jer silkinisi tirkelgen bolatyn. Onyń oshaǵy Balykesır provıntsııasyndaǵy Syndyrgy aýdanynda ornalasqan. Jerasty dúmpýiniń tereńdigi shamamen 11 shaqyrymdy quraǵan.

Atalǵan aımaqta 20 aftershok (keıingi dúmpýler) tirkeldi.