Túrkııada jolaýshylar avtobýsy aýdarylyp, 46 adam japa shekti
ASTANA. QazAqparat - Keshe saǵat 02:00 shamasynda Ystambuldan Agra qalasyna shyqqan jolaýshy avtobýsy tańǵa jýyq Sıvas qalasynyń Akynjylar aýdanyna jaqyn jerde apatqa ushyrady, dep habarlaıdy 24.kz
Oqıǵa saldarynan 1 adam qaıtys bolyp, 46 jolaýshy ártúrli jaraqatpen jergilikti aýrýhanaǵa jetkizildi.
Qazir kólik júrgizýshisi polıtsııaǵa túsinikteme berýde. Aıtýynsha, ol kók taıǵaq kesirinen kólik tizginin basqara almaı qalǵan.
Túrkııada qar jaýyp, aıaz túsýimen jol kólik oqıǵalary jıileı túsken. Kúni keshe Ystambul-Ankara tas jolynda 7 kóliktiń soqtyǵysýymen iri jol apaty oryn aldy, abyroı bolǵanda, jolaýshylardyń barlyǵy din aman.
