Túrkııada jolaýshylar avtobýsy aýdarylyp, 3 adam qaza tapty
ASTANA. KAZINFORM — 18 tamyzda Túrkııanyń Ystanbul qalasy mańyndaǵy soltústik Marmara avtojolynda jolaýshylar avtobýsy aýdarylyp qaldy, dep habarlaıdy DHA.
Aldyn ala málimet boıynsha, oqıǵadan úsh adam qaza taýyp, 20 adam jaraqat aldy.
Oqıǵa jergilikti ýaqyt boıynsha saǵat 06:15 shamasynda Sandjaktepe aýdanynyń Pashakoı aımaǵynda boldy.
Tekırdag qalasyna bet alǵan avtobýs júrgizýshisi rólge ıe bola almaı, avtobýs jol jıegindegi tosqaýylǵa soǵylyp, aýdarylyp qaldy.
Avtobýsta 35 jolaýshy bolǵan. Zardap shekkender jedel járdem kóligimen jaqyn mańdaǵy aýrýhanalarǵa jetkizildi.
Oqıǵaǵa qatysty provıntsııa basshylyǵy resmı málimdeme jasap, jol apatyna qatysty tergeý jumystary bastalǵanyn habarlady. Oqıǵa ornynda jandarmerııa (polıtsııa) qyzmetkerleri avtobýsty shyǵaryp alý jumystaryn bastaǵany habarlandy.
Eske sala keteıik, Túrkııanyń soltústik-batysyndaǵy orman órti kólik qatynasyna kedergi keltirdi.