Túrkııada jol-kólik apatyna ushyraǵan qazaqstandyqqa kómek kórsetiledi - QR SIM
ASTANA. QazAqparat - Qazaqstan Túrkııada jol-kólik apatyna ushyraǵan qostanaılyqqa qoldan keler kómektiń barlyǵyn jasaıdy. Bul týraly búgin QR Syrtqy ister mınıstrliginiń resmı ókili Altaı Ábıbýllaev málim etti.
«Túrkııada kólik apatyna ushyrap, aýyr halde jatqan azamatymyz qazir aýrýhanada es-tússiz jatyr. Túrik medıtsınasynyń tájirıbesine sáıkes, em aqysyn medıtsınalyq saqtandyrý kompanııasy men jol-kólik oqıǵasyna kináli tulǵalar kórsetedi. Biz aýrýhanaǵa bardyq, biz qoldan kelgenniń barlyǵyn jasaımyz», - dedi resmı ókil.
Eske salaıyq, 9 maýsym kúni Qazaqstan azamaty Konstantın Ivanov Pamýkkaleden Antalııaǵa bara jatqan jerinde jol-kólik apatyna ushyraǵan bolatyn. Konstantınge dárigerler ashyq bassúıek-mı jaraqaty dıagnozyn qoıdy.
