Túrkııada jol apatynan jaraqat alǵan bir qazaqstandyq aýrýhanada jatyr

ASTANA. QazAqparat – QR Syrtqy ister mınıstrliginiń resmı ókili Aıbek Smadııarov Túrkııada jol apatynan jaraqat alǵan qazaqstandyqtar týraly aıtyp berdi, dep habarlaıdy QazAqparat.

Aptalyq brıfıngte tilshiler Túrkııadaǵy jol apatynan zardap shekkender týraly surady.

«Olardyń kópshiligi Qazaqstanǵa oraldy. Endi bir adam aýrýhanada jatyr. Qalǵandarynyń jaǵdaıy birqalypty», - dep jaýap berdi Aıbek Smadııarov.

Eske sala ketelik, budan buryn Alanııada qazaqstandyq týrıster mingen avtobýs júk kóligine soǵylyp, 2 adam kóz jumǵany habarlanǵan edi.

Aýyr jaraqat alǵan eki qazaqstandyq Túrkııa aýrýhanasynda kóz jumdy.

Barlyq medıtsınalyq jáne repatrıatsııalaý shyǵyndary saqtandyrý kompanııasynyń esebinen tólengen.