Túrkııada jol apatynan zardap shekkenderdiń arasynda qazaqstandyqtar bar - Antalıadaǵy QR Konsýldyǵy
ANKARA. QazAqparat - Túrkııada jol apatynan zardap shekkenderdiń arasynda qazaqstandyqtar bar. Bul týraly QazAqparatqa Antalıadaǵy QR vıtse-konsýly Narıman Meldebekov habarlady.
«Jol apatynan zardap shekkenderdiń arasynda Qazaqstan azamattary bar. Qazirgi kezde biz olardyń sanyn anyqtap jatyrmyz», - dedi ol.
Buǵan deıin habarlaǵandaı, Túrkııada avtobýspen bolǵan jol-kólik oqıǵasynda keminde tórt adam mert bolyp, 40-qa jýyǵy jaralanǵan.
Aldyn ala málimetter boıynsha, jolaýshylar arasynda Reseı, Ýkraına jáne Qazaqstan azamattary bolǵan. Qaza bolǵandardyń ulty ázirge belgisiz.
JKO eldiń ońtústik-batysyndaǵy Denızlı qalasy mańynda bolǵan.
