Túrkııada joǵarǵy synyp oqýshylary mektep bitirgenge deıin nekege otyrýy múmkin
ASTANA. 6 mamyr. QazAqparat - Bilim mınıstrligi ázirlegen jańa reglament býmasy kúshine engen jaǵdaıda joǵarǵy synyp oqýshylary oqýyn bitirmeı-aq úılenýi múmkin, dep habarlady AZE.az túrik BAQ-taryna silteme jasap.
Túrkııanyń bilim mınıstrligi joǵary synyp oqýshylaryna qatysty erejelerdiń jańa reglamentin ázirleýde. Onda baǵalarǵa, sabaq jiberýge, synyptan synypqa kóshýge, sondaı-aq áleýmettik jaǵdaılarǵa qatysty kóptegen jańa erejeler engizilmek. Erejede sondaı-aq árbir mekteptiń óz aspazy, dıetology, baq kútýshisi, medbıkesi jáne júrgizýshisi bolýy da kózdelgen.
Erejede sondaı-aq joǵarǵy synyp oqýshylarynyń mektep bitirmeı-aq nekege otyrýyn kózdeıtin tarmaq ta bar. Buǵan deıingi qazirgi qoldanystaǵy erejede mektep bitirmeı jatyp, nekege otyrǵandar mektepten shyǵarylatyn.
Jańa erejeler oqytýshylar arasynda eleýli daý týdyrdy. Olardyń birqatary mundaı norma Túrkııada erte neke otyrý taralýyn ulǵaıtady degen ýáj aıtady.
Bilim mınıstrligi jobany bilim berý úkimettik emes, uıymdaryna jáne kásipodaqtarǵa olardyń pikirin bilý úshin joldaǵan. Vedomstvo basshysy Omer Dıncher ártúrli uıymdarǵa jiberilgen reformalar býmasy alǵashqy joba ekenn túsindirdi. Sondaı-aq mınıstr ózderiniń pikirin bildirýdiń ornyna keıbir uıymdar aldyn ala mátinniń baspasózge jarııalanýyna keıistik bildirdi.
Jýrnalıster aldynda sóılegen Dıncher bul joba ǵana ekenin eskertip, ony baspasózde talqylaýdyń jónsizdigin basa aıtty. Ol túpkilikti nusqa ázir bolǵannan keıin tıisti aqparat berip, erejelerge engiziletin ózgerister jaıly suraqtarǵa egjeı-tegjeıli jaýap qaıtaratyndyǵyn málim etti.
