Túrkııada jer silkinisi tirkeldi

ASTANA. KAZINFORM — Qara teńizdiń Ystanbul mańyndaǵy aýmaǵynda magnıtýdasy 3,7 baldyq jer silkinisi boldy. Bul týraly TASS agenttigi jazdy. 

Túrkııanyń tótenshe jaǵdaılar jónindegi memlekettik basqarmasy (AFAD) taratqan málimetke sáıkes, zilzalanyń epıtsentri Ystanbuldyń soltústik-batys baǵytynda, jaǵalaýdan shamamen 16 shaqyrym qashyqtyqta, 13 km tereńdikte ornalasqan.

Al Kandıllı seısmologııalyq observatorııasy dúmpýdiń magnıtýdasyn 3,9 ball dep baǵalady.

Jer asty dúmpýleri jergilikti ýaqytpen 19:44-te (Astana ýaqytymen 17:44) tirkelgen. Ony megapolıstiń birneshe aýdan turǵyndary sezingen.

Abyroı bolǵanda, qıraýlar men zardap shekkender týraly aqparat joq, sondaı-aq jergilikti turǵyndar arasynda úreı baıqalmaǵan.

Buǵan deıin Túrkııanyń batysy men ońtústik-batysynda bolǵan nóser jaýyn iri sý tasqynyna ulasqanyn jazǵan edik.

Materıal «Kazinform» agenttigine seriktes TASS aqparattyq agenttigi tarapynan usynyldy.