Túrkııada jer silkinisinen qıraǵan ǵımarattarǵa jaýaptylar jazalanady - mınıstr

DIıARBAKYR. Anadoly-QazAqparat - Jer silkinisine ushyraǵan provıntsııalardaǵy ǵımarattardy salǵan jáne qabyldap alǵan jaýapty adamdarǵa qatysty tergeý bastaldy. Bul jaıynda Túrkııanyń Ádilet mınıstri Bekır Bozdaǵ málimdedi, dep habarlaıdy QazAqparat Anadoly agenttigine silteme jasap.

Mınıstr Bozdaǵ Dııarbakyrdyń Baǵlar aýdanyndaǵy qutqarý jumystarymen tanysty.

Onyń sózine sensek, qazir kelgen shyǵyndy esepteý jumysy júrip jatyr. Kináliler jaýapqa tartylady.

Búgingi kúnge deıin sýdıalar men prokýrorlar keńesi jer silkinisi aımaqtaryndaǵy sot protsesterin basqarý úshin 206 prokýrordy taǵaıyndaǵan.

Bekır Bogzdaǵtyń aıtýynsha, Túrkııadaǵy ǵımarattardyń qulaýyna nemquraıdylyq ákelýi múmkin, sondyqtan barlyq jaýapty adamdar jazalanady.

«Biz bul sot protsesterin búkil halyq bolyp muqııat qadaǵalaımyz. Nemquraılyq tanytqandar jaýapqa tartylady», - dedi mınıstr.

AFAD deregine sáıkes, 6 aqpan kúni Túrkııanyń Kahramanmarash-Pazardjık aýdanynda 7,7 ball qýatymen jáne Elbıstanda 7,6 ball qýatymen jer silkingennen keıin 648 aftershok bolǵan.

Jerasty dúmpýi eldiń 10 provıntsııasynda, sondaı-aq kórshiles elderde, sonyń ishinde Sırııada sezildi.

8 aqpanda túrik elinde 5,4 magnıtýdasymen taǵy bir silkinis tirkeldi.

Eske salaıyq, Qazaqstan qutqarýshylary mingen bort 7 aqpan kúni Gazıantepke attanǵan bolatyn. Mamandarymyzdyń ekinshi toby Gazıantepke keshke keshqurym jetti.

Qazir Túrkııadaǵy jer silkinisi kezinde joǵalyp ketken qazaqstandyqtar izdestirilip jatyr. Onyń biri – Sabına Mamadıarova 8 aqpan kúni keshke aman-esen tabyldy.

Foto: Anadolu Agency