Túrkııada jer silkinisinen keıin 212 saǵat ótkende 77 jastaǵy ájeı qutqaryldy

ASTANA. Anadoly-QazAqparat - Túrkııanyń Adyıaman provıntsııasynda jer silkinisinen keıin arada 212 saǵat ótkende úıindi astynan 77 jastaǵy áıel shyǵaryldy. Bul týraly QazAqparat Anadoly aqparat agenttigine silteme jasap habarlaıdy.

Fatma Gýnger esimdi keıýana provıntsııa astanasynda qulaǵan ǵımarat úıindileri astynan tabylǵan.

Qart áıel aýrýhanaǵa jatqyzyldy.

Áıeldiń týystary qutqarýshylarǵa shyn júrekten alǵysyn aıtty.

Túrkııada joıqyn jer silkinisi qurbandarynyń sany 35 myńnan asty.

El prezıdenti Rejep Taıyp Erdoǵan tabıǵı apat qurbandaryn eske alý úshin jeti kúndik ulttyq aza tutý jarııalady. Eldiń barlyq aýmaǵynda memlekettik tý jartylaı túsirildi.

Joıqyn jer silkinisi kórshiles elderde, sonyń ishinde Sırııa, Lıvan, Soltústik Kıprdiń Túrik Respýblıkasy, Grekııa Kıprinde jáne Irakta da sezildi.

Foto: aa.com.tr