Túrkııada jer silkinisinen keıin 100 saǵattan soń tiri qalǵan adamdar tabyldy
ASTANA. 28 qazan. QazAqparat - Túrkııada zilzaladan keıin zardap shekken aýdandarda izdeý-qutqarý jumystary jalǵasyp jatyr.
Ótken túni úıinde astynda 100 saǵattan astam ýaqyt boıy tiri jatqan eki adam tabyldy, dep habarlaıdy RBK.
Birinshi bolyp kópqabatty ǵımarat úıindisiniń astynda qalǵan er adam, keıin Ersıs qalasyndaǵy úıindi astynda qalǵan 13 jasar bala tabyldy. 13 jastaǵy Ferhat Toqaı beısenbi kúni keshke tabylǵan, alaıda ony qırandylar arasynan aman alyp shyǵý úshin birneshe saǵat kerek bolǵan.
Qutqarýshylardyń aıtýynsha, olardyń densaýlyǵy qaýip tóndirip turǵan joq.
Alaıda osyndaı baqytty oqıǵalarǵa qaramastan iz-tússiz joǵalǵan taǵy 185 adamnyń taǵdyry áli belgisiz, olardyń tiri qalýyna degen úmit joqtyń qasy. Sondyqtan birqatar aýdandarda qutqarý jumystary aıaqtalyp, mamandar tiri qalǵandarǵa kómekke attanǵan.
Resmı málimetterge júginsek, 7,2 baldyq jer silkinisinen qaza tapqandardyń sany 523 adamǵa jetti.
