Túrkııada jer silkinisinen qaza tapqandar sany 41 myńnan asty

ANKARA. QazAqparat – Túrkııanyń ońtústiginde joıqyn jer silkinisinen qaza tapqandar sany 41 020 adamǵa jetti. Bul týraly Túrkııanyń Tótenshe jaǵdaılardy joıý basqarmasy (AFAD) málim etti, dep habarlaıdy QazAqparat «Anadoly» agenttigine silteme jasap.

Zilzaladan keıin 6 210 aftershok bolǵan, dep atap ótti vedomstvodan.

AFAD málimetteri boıynsha, qazirgi ýaqytta «jer betinde» Túrkııa men shet elderden kelgen izdeý-qutqarý jasaǵynyń 19 436 múshesi jumys isteıdi.

Apat aımaǵynda barlyǵy 216 166 shatyr ornatyldy, olardy Túrkııanyń mınıstrlikteri men tıisti mekemeleri, sondaı-aq shet elder men halyqaralyq uıymdar usyndy.

Foto: Agentstvo Anadolý