Túrkııada jer silkinisi saldarynan 3 adam qaza taýyp, 213-i zardap shekti

ANKARA. ANADOLY. QazAqparat – Túrkııanyń Іshki ister mınıstri Súleıman Solýdyń habarlaýynsha, Hataıda jer silkinisinen qaza bolǵandar sany qazirgi tańda 3 adamdy qurap otyr. 213 adam zardap shekti, dep habarlaıdy QazAqparat Túrkııanyń Anadolu agenttigine silteme jasap

Túrkııa vıtse-prezıdenti Fýat Oktaı Defne aýdanynda bolǵan 6,4 baldyq jer silkinisinen soń 20 terbelis tirkelgenin aıtty.

AFAD agenttiginiń habarlaýynsha, Hataı provıntsııasynda búgin bolǵan zilzaladan soń habarlanǵan teńiz deńgeıiniń kóterilýi týraly eskertýdiń kúshi joıyldy.

Osyǵan deıin dúısenbi kúni Hataı provıntsııasynyń Defne aýdanynda 6,4 magnıtýdalyq jer silkinisi tirkelgeni habarlandy.

Keshirek 5,8 magnıtýdalyq taǵy bir jer silkinisi boldy. Túrkııanyń ońtústik-shyǵysynda úıler qırady. Jerasty dúmpýi Sırııa, Lıvan, Kıpr, Izraıl, Iordanııa, Irak pen Palestınada sezildi.