Túrkııada jer silkinisi qurbandarynyń sany 22-ge jetti, 39 adamdy úıindi astynan shyǵaryp aldy

ANKARA.ANADOLY-QazAqparat –Doganıol aýdanyndaǵy qýatty zilzala saldarynan Malatıa túrik provıntsııasynda 4 adam, Elıazyg provıntsııasynda 18 adam mert boldy. Bul týralyTúrkııa Іshki ister mınıstri Sýleıman Soılý málim etti, dep habarlaıdy Anadoly.

Onyń aıtýynsha, zilzaladan keıin qutqarýshylar úıindi astynan 39 adamdy shyǵaryp alǵan.

«Bizdegi málimet boıynsha, jer silkinisi saldarynan zardap shekkenderdiń ómirine qaýip tónip turǵan joq», - dedi Soılý.

24 qańtar kúni Túrkııanyń shyǵysynda jergilikti ýaqytpen20:55-te magnıtýdasy – 6,8 balldyq zilzala bolyp, 20 adam qaza tapty. Jerasty dúmpýiniń oshaǵy Sıvrıdje ýeziniń Elıazyg provıntsııasynda ornalasqan. Túrkııaúkimeti janyndaǵy Tótenshe jaǵdaılardyń aldyn alý jáne joıý jónindegi basqarmasynyń (AFAD) málimeti boıynsha, zilzaladan keıin magnıtýdasy 2,7-5,4 bolatyn 60 aftershok tirkelgen. Jerasty dúmpýi Elıazyg mańyndaǵy provıntsııalar (Adana, Hataı, Osmanıe, Týndjelı, Gazıantep, Shanlyýrfa, Malatıa,Mardın, Samsýn, Tokat, Chorým jáne Kaıserı) men Sırııanyń soltústiginde baıqalǵan.