Túrkııada jer silkinip, tsýnamı boldy
ASTANA. QazAqparat - Túrkııanyń ońtústik-batysynda jer silkindi. AQSh Geologııalyq qyzmetiniń málimetinshe, onyń oshaǵy Bodrým kýrortty qalasynan ońtústikke qaraı 10 shaqyrym jerde ornalasty, tereńdigi 10 shaqyrymda boldy, dep habarlaıdy QazAqparat Lenta.ru saıtyna silteme jasap.
Zilzala shaǵyn tsýnamı týdyrdy, onyń amplıtýdasy 25 santımetrge jýyqty qurady.
21 shildege qaraǵan túni Mýgla provıntsııasynyń gýbernatory Esengıýl Djıvelek habarlaǵandaı, aldyna ala málimetter boıynsha, jer silkinisi saldarynan iri qıraý oqıǵalary bolǵan joq.
Jerasty dúmpýleri Egeı teńiziniń jaǵalaýynda sezildi, alaıda, Bodrým jáne Datchı aýdandarynda ol anaǵurlym qatty baıqalǵan.
Bodrýmda jekelegen eski ǵımarattardyń qabyrǵalarynda jaryqtar paıda boldy, elektr jaryǵy sóndi. Kóptegen qalalar men eldi mekender turǵyndary kóshege júgirip shyqqan.
Bılik ókilderi jer silkinisiniń qaıtalanýy qaýpimen turǵyndarǵa ázirge úılerine oralmaýǵa keńes berdi. Oqıǵa ornyna qutqarýshylar jetýde, zardap shekkender týraly aqparat joq.
