Túrkııada jer silkindi: 57 adam qaza tapty
ASTANA. Naýryzdyń 9-y. QazAqparat - Túrkııanyń shyǵysyndaǵy Elıazıg provıntsııasynda bolǵan zilzala qurbandarynyń sany 57 adamǵa jetti. Sı-En-En-Túrik telearnasyna silteme jasap ITAR-TASS agenttiginiń habarlaýynsha, taǵy elýge jýyq adam túrli jaraqattarmen aýrýhanalarǵa túsken.
Provıntsııada keshe máskeý ýaqyty boıynsha tańǵy saǵat 5:33-te jáne 10:47-de 6,0 jáne 5,5 baldyq jer silkinisi oryn aldy. Jerasty dúmpýleri kórshi provıntsııalarda da sezilgen. Sarapshylardyń habarlaýynsha, seısmıkalyq belsendilik provıntsııa aýmaǵy ornalasqan jer qyrtysy qabattarynyń qozǵalysymen baılanysty. Aımaqta izdeý-qutqarý sharalary jalǵasýda. Ókimet zardap shekkender men baspanasyz qalǵandardy shatyrlarmen, kórpelermen, ystyq tamaqpen qamtamasyz etýde. Túrkııanyń turǵyn úı qurylysy basqarmasy zardap shekken úılerdi qysqa merzimde qalpyna keltirýge ýáde berip otyr.
