Túrkııada jataqhanada shyqqan órtten 11 qyz kóz jumdy
ASTANA. QazAqparat - Túrkııanyń ońtústigi Adana provıntsııasyndaǵy Aladag qalasynda jataqhana otqa orandy. Saldarynan 12 adam - 11 oqýshy men 1 qyzmetker kóz jumdy, dep habarlaıdy Lenta.ru.
Oqıǵa 29 qarasha kúni mektep-ınternattyń oqýshylary turatyn úsh qabatty ǵımaratta oryn alǵan. Qaza tapqan balalar 10-16 jas aralyǵynda. Sondaı-aq zardap shekken 22 adam aýrýhanaǵa jatqyzyldy.
Adana provıntsııasynyń gýbernatory Mahmýt Demırtashtyń aıtýynsha, adamdar órtten tereze arqyly qashqan, nátıjesinde keıbiri shynymen jaraqattansa, keıbiri tútinge ýlanǵan. Túrkııa parlamentindegi Adana provıntsııasynyń ókili Omer Chelek órt elektr jelilerinen shyqqan aqaý saldarynan oryn alýy múmkin dep habarlady. Al Demırtash elektreseptegish quraly janyp, odan shyqqan ot ǵımaratqa taraǵanyn aıtty. Bilim mınıstrliginiń málimeti boıynsha, jataqhana 54 oqýshyǵa arnalǵan. Órt shyqqan kezde ǵımarat ishinde 34 oqýshy boldy.
