Túrkııada jasóspirim jigit pyshaqpen adamdarǵa shabýyl jasady
ASTANA. KAZINFORM— Túrkııada jasóspirim pyshaq jáne baltamen adamdarǵa shabýyl jasady.
Túrkııa polıtsııasy Eskıshehır qalasynda adamdarǵa pyshaq pen baltamen shabýyl jasaǵan 18 jastaǵy jigitti ustady.
Oqıǵa Eskıshehır Tepebashy meshitiniń aýlasynda bolǵan. Shabýyl saldarynan bes adam jaralanyp, jergilikti aýrýhanaǵa jetkizildi. Dárigerler aýrýhanaǵa túsken ekeýiniń jaǵdaıyn aýyr dep baǵalady.
Polıtsııanyń málimetinshe, qylmysqa kúdikti 18 jastaǵy K.Arda bolyp shyqty. Qylmys jasaǵan kezde ol betperde men kózildirik kıip, betin jasyrǵan. Onyń ústinen dýlyǵa men saýyt kıgen.
Qylmyskerdiń kıiminde úshinshi reıhtiń okkýltısteri paıdalanǵan fashıstik «qara kún» emblemasy da bolǵan. Sonymen qatar, shabýyl kezinde jas jigit áleýmettik jelilerde tikeleı efırge shyqqan.
Keıbir basylymdar jas jigittiń PUBG kompıýterlik oıynyndaǵy keıipkerlerdiń biriniń beınesin kóshirýge árekettengenin, sonyń áserinen qarýly shabýyl jasaýdy uıǵardy dep jazady.
