Túrkııada jasóspirim úılený toıynyń qonaqtaryn abaısyzda jaraqattady
ASTANA. KAZINFORM — Oqıǵa Túrkııanyń Denızlı provıntsııasynda qalyńdyqty ata-anasynyń úıinen áketý rásimi kezinde boldy, dep habarlaıdy Milliyet.
Úılený toıynda júrgen 15 jastaǵy jasóspirim qalyńdyq úıden shyǵyp bara jatqan sátte aýaǵa myltyq atpaq boldy. Alaıda oqtar jerge taıqyp tıip, úılený toıyna kelgen 11 qonaqty jaraqattady.
Zardap shekkenniń barlyǵy aýrýhanaǵa jetkizildi. Basylymnyń málimetinshe, olardyń ómirine qaýip tónip turǵan joq.
Jasóspirim túsinikteme berý úshin jandarmerııa bólimshesine jetkizildi, tergeý bastaldy.
Osyǵan deıin Aýǵanstanda úılený toıyndaǵy birqatar rásimge tyıym salynǵanyn jazdyq.
