Túrkııada jasóspirimniń asqazanynan 3 kelideı shash shyqty

ASTANA. QazAqparat - Túrkııanyń Konıa qalasyndaǵy 12 jastaǵy qyz asqazannan 3 kelideı shash shyqty, dep habarlaıdy QazAqparat Haberturk saıtyna silteme jasap.

Konıa qalasynyń 12 jastaǵy turǵyny Neslıhan Karakoch úsh jyl boıy ishiniń aýyratynyn aıtyp shaǵymdanǵan. Alaıda sońǵy kezde qyzdyń aýrýy asqynyp, ata-anasy ony dárigerge aparýǵa týra kelgen.

Onyń asqazanynan 2 keli 850 gramm bolatyn shash pen saǵyzdan quralǵan massa shyqqan. Al balanyń ishinen shyqqan kesektiń dıametri 20 santımetrdi quraǵan. Neslıhan óziniń shashyn shaınaýdy, buǵan qosa shaınaǵan saǵyzdaryn jutýdy ádetke aınaldyryp kelgen eken.

Jergilikti aýrýhananyń hırýrgy Bıýlent Erenoglý 12 jastaǵy qyzdy qarap, qaryn bóliginiń nyǵyzdap qataıǵanyn baıqaıdy. Tomografııa túsirilip, keıin balaqaıǵa operatsııa jasalady.

 «Ol 50-ge jýyq saǵyz jutqan, sonyń saldarynan asqazanyndaǵy jutqan shashtary qatty massaǵa aınala bergen. Neslıhan ishiniń qatýyna, qarnynyń aýrýyna jáne nashar tábetine shaǵymdanǵan. Al negizi shashty jeý - ol aýrý», - deıdi Bıýlent Erenoglý.