Túrkııada jasy 50-den asqan adamdar arasynda ajyrasý jaǵdaılary kóbeıgen

ASTANA. KAZINFORM – Túrkııada jasy 50-den asqan azamattar arasynda ajyrasý jaǵdaılary kóbeıgen, dep habarlaıdy Kazinform agenttiginiń menshikti tilshisi.

Túrkııanyń statıstıka ınstıtýtynyń málimetterinshe, 2024 jyly jasy 50-den asqan adamdar arasynda ajyrasý jaǵdaılary kóbeıgen. Sońǵy ýaqytta qatty biline bastaǵan bul úrdis qoǵamnyń áleýmettik, mádenı ustanymdarynyń ózgere bastaǵanyn kórsetedi.

Resmı statıstıkaǵa úńiletin bolsaq, osy toptaǵy ajyrasýlar sany onyń aldyndaǵy jyldarmen salystyrǵanda 15% artqan.

Sarapshylardyń aıtýynsha, bul jasy 50-den asqan azamattardyń arasynda otbasyna degen kózqarastyń ózgerýine baılanysty bolyp otyr.

2024 jyly jasy 50-den asqan 55 595 adam ajyrasqan bolsa, 2020 jyly bul kórsetkish aıtarlyqtaı sken.

Uzaq jyldar boıy birge turyp kelgen kóptegen otbasylar budan ári bir-birimen úılesimdi ómir súre almaıtynyn jaqsy túsine bastaıdy. Buǵan áleýmettik, qarjylyq jaǵdaıdyń ońala bastaýy da áser etedi.

Áleýmettanýshylar, jaǵdaıdy Túrkııada ómirlik standarttardyń ózgere bastaýymen   túsindirip otyr.

Buryndary jasy ulǵaıǵan adamdar arasynda ajyrasý jaǵdaılary sırek kezdesetin. Qazir jasy 50-den asqan adamdar arasynda ózin qanaǵattandyrmaıtyn qarym-qatynastan bas tartyp, jańa ómir bastaýǵa bolady dep esepteıtinder kóbeıgen.

Osyǵan deıin Túrkııada medıtsına jáne kosmetologııa maqsatynda saryshaıan ósirýge ruqsat etilgeni týraly jazdyq.