Túrkııada jarylystan zardap shekkender sany 48-ge jetti

Eki adamnyń jaǵdaıy óte aýyr dep baǵalanýda. Osyǵan deıin 11 adamnyń jaraqat alǵany habarlanǵan bolatyn. Bul týraly Ortalyq Azııa jańalyqtar qyzmetinen jazýda.

Jergilikti BAQ-tyń jazýynsha, jarylǵysh zat salynǵan kólik bıliktiń Ádilet jáne damý partııasynyń aımaqtyq keńsesiniń janynda jarylǵan. Oqıǵa oryn alǵan mańaıda polıtsııa bólimshesi de ornalasqan. Jaraqat alǵandardyń ishinde eki polıtsııa qyzmetkeri bar.

Ázige teraktiniń artynda kim turǵany belgisiz. Birer kún buryn Túrkııa bıligi kúrdter ornalasqan 28 aýdannyń basshylyǵyn qyzmetterinen alǵan. Jumystan qýylǵan sheneýnikter Kúrdistan jumysshylar partııasymen baılanysy bar dep aıyptaldy. Atalǵan partııany Ankara men birqatar Batys elderi terrorıstik uıym dep esepteıdi.

Bul ózgerister kúrd halqynyń narazylyǵyn týǵyzǵan.

Sońǵy aılarda Túrkııanyń ońtústik-shyǵysynda jarylystar jıi oryn alýda. El bıligi jarylystardy Kúrdistan jumysshylar partııasy jasap otyr dep sanaıdy.