Túrkııada jaraqat alǵandardyń sany 4 myń adamnan asty
ASTANA. 6 maýsym. QazAqparat - Túrkııadaǵy tártipsizdikter kezinde jaraqat alǵan azamattardyń sany 4 myńnan asty. Úsh adam qaza boldy.
Keshe búlikshiler Úkimet basshysynyń orynbasary Bıýlent Arynchpen kezdesip, qamaýǵa alynǵan azamattardy bosatýdy, sondaı-aq kóz jasaýratatyn gazdy qoldanbaýdy talap etti. Premer-mınıstr Redjep Erdoǵan bolsa, búgin Soltústik Afrıkaǵa jasaǵan sapardan oralady. Ol óz elinde tártiptiń ornatylatynyna senimdi. Buǵan deıin R.Erdoǵan Túrkııadaǵy tártipsizdikterdi «demokratııaǵa qarsy shabýylmen» teńep, oǵan ekstremıstik toptar kináli dep málimdegen bolatyn.
