Túrkııada jańa úkimet qalyptastyryldy
ASTANA. QazAqparat - Túrkııa Prezıdenti Rejep Erdoǵan jańa premer-mınıstr Bınalı Iyldyrym usynǵan úkimet quramyn maquldady. Kabınet ishinara jańardy, biraq ta basty ekonomıkalyq komanda tulǵalary óz laýazymdaryn saqtap qaldy, dep habarlady RBK.
«Búgin el prezıdenti Rejep Erdoǵan bekitken Túrik úkimetiniń ekonomıkalyq komandasynyń basty tulǵalary jańa kabınettegi óz laýazymdaryn saqtap qaldy», - dep habarlady Reuters. Agenttik olardyń aınalysatyn mindetteri ázirge belgilengen joq, dep atap ótken.
Atap aıtqanda, bes vıtse-premerdiń biri bolyp, burynǵy úkimette ekonomıkaǵa jaýap bergen Mehmet Shımshek taǵaıyndaldy. Sondaı-aq qarjy mınıstri Nadjı Agbal óz ornyn saqtap qaldy.
Reuters agenttiginiń málimetteri boıynsha, Erdoǵannyń jaqyn odaqtasy bolatyn Nıhat Zeıbekdjı ekonomıka mınıstri qyzmetine oraldy. Ol ótken jylǵy qarasha aıyna deıin mınıstrlik basshysy boldy, al odan keıin bul qyzmetke Mustafa Elıtash otyrǵan bolatyn.
