Túrkııada zańsyz kóshi-qonǵa qarsy operatsııa júrgizildi
ASTANA. KAZINFORM — Túrkııanyń 23 provıntsııasynda zańsyz kóshi-qonǵa qarsy arnaıy operatsııalar júrgizildi, dep habarlaıdy Kazinform agenttiginiń Ankaradaǵy menshikti tilshisi.
Aýqymdy arnaıy operatsııa barysynda mıgranttardy zańsyz tasymaldaýdy uıymdastyrdy degen kúdikpen 48 adam ustaldy. Eldiń Іshki ister mınıstrliginiń málimetinshe, 31 kúdikti sot sheshimimen qamaýǵa alyndy, taǵy 17 adam sot baqylaýymen bosatyldy.
Operatsııalardy jandarmerııa men jaǵalaý kúzeti bólimsheleri ushqyshsyz ushý apparattary men jerdegi jedel toptardyń kómegimen júrgizdi. Reıdter barysynda mıgranttardy tasymaldaý úshin paıdalanyldy degen kúdikpen 83 avtokólik jáne 18 qaıyq pen qaıyq qozǵaltqyshy tárkilendi.
Nevshehır provıntsııasynda sot Sıvastan tórt zańsyz mıgrantty tasymaldady dep aıyptalǵan er adamdy qamaýǵa aldy. Polıtsııa málimetinshe, ol ár adamdy tasymaldaý úshin 50 myń túrik lırasyna, ıaǵnı 1 myń dollardan sál astam somaǵa kelisken.
Túrkııa bıligi zańsyz kóshi-qonmen jáne adam saýdasymen aınalysatyn jelilerge qarsy kúresti jalǵastyratynyn málimdedi. Sonymen qatar Іshki ister mınıstrligi operatsııalar adam quqyqtaryn saqtaı otyryp jáne qoǵamdyq qaýipsizdikti qamtamasyz etý arqyly júrgizilýi kerektigin atap ótti.
Buǵan deıin Túrkııada zańsyz kóshi-qonǵa qarsy kúres kúsheıtilip jatqany habarlanǵan bolatyn.
Aıta ketelik Túrkııa halqynyń sany 86,3 mln-nan asqany týraly jazǵan edik.
