Túrkııada YouTube pen Twitter-ge salynǵan tyıym alynyp tastaldy
ASTANA. QazAqparat - Túrik provaıderleri osyǵan deıin Twitter áleýmettik jelisine salǵan tyıymdy alyp tastady. Haber Turk habarlaǵandaı, bul áreketke olar kompanııa basshysy Túrkııanyń sot bıliginiń talaptaryn oryndap bolǵannan keıin barǵan.
Ystambul soty prokýrordyń tutqynǵa alýyna qatysty materıaldy óshirýdi talap etti. 31 naýryzda qarýlanǵan lańkester alty saǵat boıy prokýrordy jumys kabınetinde ustaǵan. Mundaı materıaldardy jarııalaýdy sot ekstremıstik uıymdardy nasıhattaýdyń túri dep tapty. Qazirgi ýaqytta Túrkııanyń ár aýmaǵynda Twitter mıkroblogtary qoljetimdi. Al YouTube resýrsyna ázirge shekteýler bar. Sot sheshimi Facebook áleýmettik jelisine de qatysty boldy. Bul jeli kompanııa basshysy túrik bıligi ataǵan daýly sýretterdi dereý joıǵandyqtan oqshaýlanbady. Alaıda, jergilikti BAQ habarlaǵandaı, Facebook keıin túrik sotynyń tyıymyna qarsy shyǵatynyn málimdegen.
