Túrkııada vedomstvolyq avtobýs jaryldy
ANKARA. QazAqparat – Eldiń batysyndaǵy Býrsa provıntsııasynda Túrkııa ІІM qyzmetkerleri mingen kólik quraly jarylyp ketti. Bir adam qaza tapty, jaraqattanǵandar bar, dep habarlaıdy QazAqparat menshikti tilshisi «Anadolu Ajansı» agenttigine silteme jasap.
Mamandardyń boljamynsha, tergeý ızolıatorynyń qyzmetkerleri otyrǵan avtobýsty jarýǵa qoldan jasalǵan jarylǵysh zat qoldanylǵan. Ol elektr baǵanynyń túbine qoıylyp, avtobýs óte bergende iske qosylady. Qashyqtyqtan basqarý arqyly jarylýy da múmkin.
Kólikte 30-ǵa jýyq adam bolǵan. Bir qyzmetker qaıtys boldy. Jaraqat alǵan tórt adamnyń bireýi aýyr halde. Avtobýstyń ózge eki jolaýshysy alǵashqy medıtsınalyq kómek kórsetilgennen keıin aýrýhanaǵa jatýdan bas tartty.
Atalǵan fakti boıynsha qylmystyq is qozǵalyp, tergeý sharalary júrgizilip jatyr. Quqyq qorǵaý organdary lańkestik shabýyl nusqasyn da joqqa shyǵarmaıdy.
Eske sala keteıik, eki kún buryn Túrkııa Iraktyń soltústiginde Kúrdistan jumysshy partııasy men Sırııadaǵy IM terrorıstik uıymyna (Qazaqstanda tyıym salynǵan – red.) qarsy kezekti arnaıy operatsııany bastaǵan bolatyn.
