Túrkııada ushaqta bomba bar degen kúdikpen áýe reısi toqtatyldy
ASTANA. QazAqparat - Jeksenbi kúni Turkish Airlines áýe kompanııasynyń Ystambul-Tokıo reısi iske aspaı, ushaq jedel túrde áýejaıǵa qaıtaryldy. Buǵan áýe kemesiniń júk saqtaıtyn bóliginde bomba jasyrynǵan degen kúdik sebep bolǵan.
Bul týraly NTV telearnasyna silteme jasap, TASS habarlaıdy.
Oqıǵa tańerteń Ystambuldaǵy Atatúrik áýejaıynda oryn aldy. 321 jolaýshysy bar Boeing 777-300 Ystambuldan Tokıoǵa ushqan. Qara teńiz ústinde ushyp bara jatqan laınerdegi ekıpaj músheleriniń biri dárethana esiginde «C4 Kargo» degen jazýdy baıqap, teoroııalyq túrde ony bortta plastıkalyq jarylǵysh zat bolýy múmkin degen belgi dep qabyldaǵan, dep jazady khabar.kz.
Áýe kemesiniń kapıtany qaıta áýejaıǵa oralýǵa ruqsat surap, qaýipsizdik qyzmetimen tintý jumystaryn ótkizýin ótingen. Abyroı bolǵanda, barlyq jolaýshylardyń júkteri men laınerdiń ishin qarap shyǵyp, eshqandaı bombanyń joq ekeni anyqtaldy.
Ushaq qaıtadan keshke qaraı Tokıoǵa baǵyt aldy.
